تحت رعاية المهندس علي أحمد منصورة محافظ حلب ـ مديرية الثقافة بحلب أقامت الحفل الغنائي للفنان اللبناني غبريال عبد النور، حيث أنهاها بتوقيع ألبومه الجديد "قمر بيروت" هذا القمر البيروتي الحب الحلبي الهوا أطرب وحلق وتماها مع كلمات وألحان أغانيه حتى أبعد حدود الإبداع. وكان ذلك يوم الأحد 6-2-2011

وقد جاء في بروشور الحفلة

غبريال عبد النور

من الغناء الاوبرالي بتسع لغات وإطلالات عالمية عبر الـ CNN والـ euronews إلى أبحاث ودراسات عن كيفية تطويع تقنيات الصوت العالمية في الغناء الشرقي وتدريبه لأصوات لبنانية بارزة. ومشاركته في أهم النشاطات الثقافية في لبنان والخارج. أدخل غبريال عبد النور نصوص الأديب العالمي جبران خليل جبران وللمرة الأولى في ألبوم غنائي كامل من ألحان إيلي شويري، جوزيف خليفة وغبريال نفسه. مبرهنا عن جدارة القائية ومهارة صوتية في إنشاده نصوص جبرانية من الأكثر والأنبل تمرداً والأرفع قيمة إنسانية. فكان لا بد للحنجرة المشغولة اوبرالياً من أن تتوسع لمرافقة خامة التينور وتراً مشرقياً مشمساً في تداعياته. قران سعيد مع رومنتيقية الغرب وأصولها فولد نشيد غبريال ورعا مزمورياً يضج بفرح داخلي أتقن إخراجه إلى الملأ بخامتين متلامتين شرقية و أوبرالية.

و لا تتوقف موهبة غبريال عند الصوت والأداء المسرحي المتقن لكن تمتد إلى اللحن وآفاقه الواسعة, حيث تمكن عبد النور من التطرق إلى مكنونات الأنغام من خبرته بصوت هو بقدرات هذا الصوت على إيصال الفكرة فنجح نجاحاً سعيداً بعيداً في منح صوته النغمات التي يعرف تماماً أنها الأكثر ملائمة لصوته والأكثر إتقاناً أدائيا فكانا إصدار ألبومه الثني "قمر بيروت" الذي يتضمن عشر أغنيات من ألحانه.
يشار أن عبد النور حاز أخيراً على جائزة تقدير في Beirut International's Festivals كأفضل تينور عربي ولبناني وظف تقنياته الصوتية في أغنية عربية عن "جبران خليل جبران".
غبريال عبد النور علامة مضيئة في مسيرة الفن اللبناني غناءً ولحناً وإبداعاً نحن أحوج ما نكون إلى علامات مشابهة لكي نعود إلى الريادة في الرقي والإتقان والفكر الحضاري.

جانب من الحضور الرسمي 

ومزيد من الحضور

الشاعر محمد كمال والذي غنى له جبرييل من ألحانه أغنية "الشهباء الفاتنة"

وهذه كلمات الأغاني التي قدمها الفنان غبريال عبد النور والتي في ألبومه "قمر بيروت"

 ألبوم

 قمر بيروت

غبريال عبد النور الألحان والإشراف الموسيقي: غبريال عبد النور

مشرف فني: الشاعر الياس ناصر

تم تسجيل موسيقي الألبوم والكورال

في استديو مايسترو – لبنان باستثناء أغنية "مدينة تاريخية" في استديو جوباروجيان

تسجيل صوت: غبريال عبد النور: استديو جوباروجيان

مسترينغ: استديو جوباروجيان

تصوير فوتوغرافي: فضل عيتاني أشرف علي غالية

إنتاج: 2010 – Gabriel Abel Nour

مدير الإنتاج: فادي أبي تامر

تصميم وطباعة: HARBATEK

توزيع: right TRAK

وشكر لجريدة النهار للتغطية الإعلامية

****************

كلمات الأغاني

ما بصح إلا الصحيح

كلمات: غبريال وندى عبد النور

ألحان وإشراف موسيقي: غبريال عبد النور

توزيع: عبدو منذر

ما بصح إلاّ الصحيح ... شكلك ما عرفتيني منيح ...
سكرتي بوابك وأنا عَ غيابك ... يا جبل ما يهزك ريح...
من البداية كنت مخباية ... بتياب وزينة انكشفت الحكاية ...
قلبك شو قاسي وطبعك مآسي ... أنا بشكر الله طلعتي من راسي ...
بعدي عن دربي حلّي عن قلبي ... ما بصح إلاّ الصحيح ...
أنتِ الخسراني حبي وحناني ... عيشي يا حلوي عمرك ندماني ...
هيدي الغنّية واحد بالمية ... بلا ما نكمل باقي الخبرية ...
ما في بصراحة أحلى من الراحة .. ما بصح إلاّ الصحيح ...

رشوا الورد (زفة العرسان)

كلمات: ندى منير عبد النور

ألحان وإشراف موسيقي: غبريال عبد النور

توزيع: عبدو منذر

رشوا الورد ع دروب أجمل العرسان

زينوا لدني بقلوب وزهور من لبنان

مبروك من كل قلب يتهنوا بالمشوار ....
انشا الله ع طول الحب يتوجن بالغار ...
يا فرحة ملوا الدار ... للعمر ليل نهار ...
عرسان متل قمار ...
ما يفرقهن حدا ع طول الزمان
لَحلوة الحلوين عروسة الأحلام ...
زينوها بالياسمين زفوها بالانغام ...
زلغطلا يا حمام ... وتمنالا السلام ...
تفرح بهالإيام ...
وما يفرقهن حدا ع طول الزمان
يا عريس الحب ... قلبك بحبّا داب ...
بدعيلك من القلب تبقوا العمر أحباب ...
ما تعرفوا الغياب ... ولاتدوقوا العذاب ...
وتبقى شيخ الشباب ...
وما يفرقكن حدا ع طول الزمان

مدينة تاريخية

كلمات: ندى منير عبد النور

ألحان وإشراف موسيقي: غبريال عبد النور

توزيع: كوكو.ب

يا مدينة تاريخية ... كبيرة وبعدك صبية ...
ملكة تاجك ما بينطال ...
مهد الحضارة انتي ... العالم كلّو تورتي ...
وصرتي منارة أجيال ...
ترابك يا عطرك الياسمين ... حبّك يا وعد وحنين ... يا كنز كنوز الجمال ...
بوابك مفتوحة للنور ... شعبك بالكرم مشهور ...
حلب يا مجد وأبطال ...
يا قلعة عريقة ... يا فجر الموسيقى من عمر الزمان ...
مساجد عليّي ... كنايس مضويّي بحبّك متل لبنان ...
من قمر بيروت لقمرك تحية ... لشعب ما بيموت أرزة لبنانية ...
حملتني حب وسلام لزهرة الأحلام والأيام ...
لأرض الكرامة والسلام ...
لأراضيك يا حلب حمّلتني السلام ...
يا سوق العّطارين توصّى بعيون الحلوين ...
من عطرن عطرك بيفوح .. جمالن بيرّد الروح ...
بياضن تلج صنين...
من باب انطاكيا فوت ... في بيروت بقلبا ياقوت ...
وجبلي يا قمر أسمي ... من شعر الصبية نسمة ...
أحملها بروحي لبيروت ...
الاسوارة يإيدا مرجان والحب بقلبا دفيان ...
يا خان الحرير دلاّ ع قلبي الحابب يوصلاّ
لتزيّن بيتي بلبنان ...

لونك

كلمات: ندى منير عبد النور

ألحان وإشراف موسيقي: غبريال عبد النور

توزيع: عبدو منذر

لونك شو غريب ... شو حلو وقريب
من الشمس لما بتغيب بعينيك
عطرك ربيع الكون ... والكون كلّو هون
مزهّرية بميّة لون حواليك
ما تسألني شو مفرّحني وشو مجنّني هيك وشو مغيّرني وشو محيّرني مارح رد عليك اتّطلع فيي بتعرف ردّي وعينيّي بعينيك
أكتر من ما بدك بدي دوب وقرّب ليك ...
فراشات وعصافير وحدا اللي بتطير
وكيف أنا عم طير عإيديك؟؟
قالوا الورد بكير ... بموت عمرو زغير
وكيف بعيش حدك وحواليك

ما بعرف اكذب

كلمات: ندى منير عبد النور

ألحان وإشراف موسيقي: غبريال عبد النور

توزيع موسيقي: عبدو منذر

ما بعرف اكذب عل حالي... إحلم وألذف أشعار
وقلّك وحك شاغل بالي ... ووحدك شاغل بال كتار
ذنبك عيونك حلوين وسحرك بالهوى غلاب
يا مدوّب العشقانين بحبك لوحبك عذاب
ورح كمّل معك مشوار دروبو برود وتلج ونار
وغر عليك وأنت تغار ةنبقى للعمر أحباب
كتار تمنّوك وحبّوك ورميوك بنار الأشواق
ومن بين قلوب العشقوك أنا أكتر منهن بهواك
بهوى نظراتك كلماتك ... نغمة غنيّة حطياتك
بحلف بعمري وحياتك وشو نفع الدنيي بلاك

شو السر

كلمات: ندى منير عبد النور

ألحان وإشراف موسيقي: غبريال عبد النور

توزيع: عبدو منذر

شو السر يللي جذبني ليك ... يللي حبسني فيك ...
بشوف الكون بعينيك ... وبدوب بس حاكيك ...
بتغيب بضيع ... وسودا الدني بتصير ...
غيرة وفراغ وحزن وشوق كتير ...
وبتطل بطير وبحس قلبي كبير ...
أنت ومعي بنسى الدني وبصير طفل زغير

شو ناطرين

كلمات: ندى منير عبد النور

ألحان وتوزيع موسيقي: غبريال عبد النور

توزيع: عبدو منذر

صرنا بهالدنيي الغريبة بردانين ... ولدروب النجمة القريبة مشتاقين ...
شو بيمنع نرجع حبيبي عشقانين ... شو نا طرين ...
شو ناطرين ...
بكرا بتسقينا الأيام والحب بيهجرنا ... لا ما
بتنتظرنا الأحلام ولا العمر بينطرنا ...
قلوبنا طيور مهاجرين تعبانين ... بفضا لما إلو لون
غرقانين ...
قلّي شو عملنا ... قرّرنا وما عملنا ... شو بيمنع
نرجع حبيبي عشقانين ...
شو ناطرين ... شو ناطرين ...
وعّي الوعد الموعود فينا تيلاقينا ... وخلّي الحب ال ع شواطينا يبحر فينا ...
ياريح حملينا ... بنار الحب رمينا ... وبمينا عينينا
رشينا رشينا ...
وتركينا سهرانين ... نقطف زهرة أحلى سنين ... ع حفاف الحنين ... الحنين ...

حلم العمر

كلمات: ندى منير عبد النور

ألحان وإشراف موسيقي: غبريال عبد النور

توزيع:عبدو منذر

يا حلم العمر ... يا حب ورسالي...
تحكي حبيبي ... شو صاير بحالي ...
ربيع الورد عم يدبل ع لإيدي ...
وبردان الجمر ع غيابك يا غالي ...
يا آخر حب ... يا أول قصيدي ...
يا جنون القلب ... وعيونك بعيدي ...
رح تبقى الروح من دونك وحيدي...
إذا المكتوب ما شوفك قبالي...
عينيّي تدُور بشوارع مديني ...
تدور عليك ... تنده ع حنيني ...
قصايد حب ع غيابك حزيني ...
كتبها الشوق ع جناح الليالي ...
ليالي القلب ... ناطرين حياتي ...
لكل العمر رح تبقى صلاتي ...
ترجعلي يوم وتريّحلي بالي ...

قمر بيروت

كلمات: ندى منير عبد النور

ألحان وإشراف موسيقي: غبريال عبد النور

توزيع: عبدو منير

ليش عيونك ما بقى تحكي .. ليش السكوت
مطارحنا اليوم عم تبكي وقلبي مكبوت
تخمين رايح ... لا ماتروح ...
ما تروح يا روحي أنا ... ماتروح تعيش بهنا ...
ما تروح تإبقى أنا ... وأن رحت أكيد بموت ...
ما تروح تيبقى النور ... ما تروح تيبقى زهور ...
ما تروح تيبقى بزور بيتي قمر بيروت ...
شو بعد بدّي أنا بعيني إذا فلّيت ...
بيكبر قلبي والفرح فيّي إذا ضلّيت ...

قلبي ما عاد يساع

كلمات: ندى منير عبد النور

ألحان وإشراف موسيقي: غبريال عبد النور

توزيع: عبدو منذر

بتقلّي تحبك ... وأنا بموت بحبّك ...
ومن كتر ما بحبك ... قلبي ما عاد يساع
بقلبك أنا مخبّي هالكمشة من حبّي ...
ضم قلبك لقلبي ... قلبي ما عاد يساع
هالحلى اللي بعينيك ... آخذني منّك ليك ...
قلبي السهران عليك وسع الدني وما ساع ...
قلبي إلك مفتوح واو راحت منّي الروح ...
ولو ناوي يوم تروح ... روح بس رجاع ...
من بعدك الماضي مضى ... من بعدك المّر انقضى ...
من بعدك حياتي رضى ... وصدى عذابي ضياع ...
شو بحبك آلام ومنى ... شو بحبك جنون وهنا ...
شو بحبك شو بحبك أنا ... سماع قلبي سماع ...

الحضور المميز لوالدة غبريال

و أمير مقدم الحفل

وطبعا كان كل الشكر للموسيقيين

البيانو شادي نجّار

تشيللو: بشار شريفة

الطبلة : محمود حشّاش

الرق: محمود شغالة

وأيضاً شكر خاص لمجموعة (خلي الصوت يودّي)

 تحيات موقع عالم نوح